Poslovne vesti - Makedonija

Поднесени најмалку 70 ИПАРД барања

Три дена по завршувањето на шестиот ИПАРД оглас до Агенцијата за финансиска поддршка во земјоделството и руралниот развој пристигнаа околу 70 барања.

Јавниот повик беше објавен на 31 март 2012 за мерките, 101 - Инвестиции на земјоделските стопанства со цел нивно преструктуирање и надградба за достигнување на стандардите на Европската Унија, 103 - Инвестиции за преработка и маркетинг на земјоделските и рибните производи со нивно преструктуирање и надградба за достигнување на стандардите на Европската Унија и 302 - Диверзификација и развој на руралните економски активности.

Претходните пет ИПАРД огласи покажаа дека најатрактивни за повлекување европски пари се инвестициите во економскиот развој на руралните средини, лозарството и овоштарството, градинарството и преработката на овошје и зеленчук.

Засега, најголемата ИПАРД инвестиција во Македонија изнесува 800.000 евра, а е во секторот преработка и конзервирање на овошје и зеленчук.

До крајот на годинава Агенцијата планира да распише уште два или три ИПАРД огласи.